موضوع: تحفة تحفة الفرق بين باباكى و جوزك السبت أكتوبر 11, 2008 8:33 pm
الفرق بين بابا وزوجك
مع بابا.. دخلتى المطبخ ما دخلتيش .. كله واحد وممكن باباكي يساعدك انما مع زوجك .. مش بمزاجك .. ها تدخلى .. هاتدخلى
مع بابا .. فى العيد بيديلك العيديه وفوقيها بوسه .. لكن مع زوجك .. بيقول انت خلاص كبرتى على الحاجات دى
مع بابا.. بتنامى وتصحى وقت ما انتى عايزه .. مع زوجك .. وقت ماهو عايز .. او مع مواعيد شغله.
مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى مع زوجك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب
مع بابا .. لو حصل حاجه مثلا و كنتى زعلانه .. بيزعل عشانك .. مع زوجك .. بيزعل منك .. ويلومك ازاى تزعلى اصلا
باباكي .. كلمه حلوه ترضيه .. وزوجك .. طول الليل تحايلى فيه
باباكي .. وانتى عيانه .. سهران جنبك طول اليوم انما زوجك .. بيروح ينام فى الاوضه التانيه.
بابا .. لما تدلعى عليه .. بيفرح بيكى ا نما زوجك .. بيقولك ..اكيد عايزه حاجه
باباكي .. لما تقولى له .. ده حصل كذا وكذا .. بيهتم ويصدقك انما زوجك .. بيقولك .. الموضوع دا وراه ان .. ويشك فى كلامك
مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص لكن زوجك .. ها يقولك شكلك زى عروسة المولد
مع بابا .. لو طلبتى دوا من الصيدليه . جرى ها ينزل يجيبه لكن زوجك .. ها يسالك بكام الأول؟
بابا .. لو طلب منك كوباية ميه .. بيقولك لو سمحتى عايز ميه انما الباشا .. يقولك قومى هاتى ميه
لو بتتفرجى مع بابا .. على التليفزيون ... ها يسيب لك الحريه تتفرجى على اللى انتى عايزاه لكن المحروس .. مافيش قدامك غير يا الاخبار يا الكوره .. يا ميلودى
بابا .. لو نازل مشوار .. بيعمل ليكى اعتبار ويديكى خبر لكن زوجك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه
لو محتاجه فلوس فى حاله طارئه .. بابا .. ها يديكى من عينيه لكن زوجك .. ها يقولك خدى من بابا
لو جالك مكالمه غلط على موبايلك.. بابا .. ها يقولك حصل خير لكن زوجك .. ها يتهمك بالخيانه ...
لو ما فيش فى التلاجه غير ازازة بيبسى واحده .. بابا .. ها يسيبها لك بنفس راضيه لكن زوجك .. ها يقول معلش انا لازم ابلع او ها يقسمها معاكى
لو اتزحلقتى على الارض .. باباكي .. ها يجرى يشيلك زوجك .. ها يقعد يضحك ويقولك ما انتى اللى مش منشفه الارض كويس
لو نفسك تغيرى مكان السجاده .. باباكي .. ها يقوللك عنك دى تقيله عليكى لكن زوجك .. ها يقولك مش ضرورى وجع القلب دا
السبت أكتوبر 11, 2008 8:33 pm
